Әлмәттә алтын туй гөрләде
Юбилярларның исемнәре никах юбилярларының елъязмасына язылды.
Әлмәт шәһәренең ЗАГС идарәсендә 50 ел бергә яшәгән алтын туй юбилярлары Рәфыйк Миңнәхмәт улы белән Лилия Харис кызы Зәйнуллиннарны котладылар.
Лилия мәктәптән соң ук һөнәри-техник училищеда укый. Гомере буе заводта эшләгән.
1974 елда Рәфыйк Миңнәхмәт улы газ эшкәртү заводына кабул ителә. Монда яшьләр танышалар да. 1975 елның 7 мартында Рәфыйк белән Лилия туй үткәрәләр. Бәхетле никахтан аларның уллары Радик һәм кызлары Ландыш туа.
1981 елда яңа йорт төзеп, шунда яши башлыйлар. Ирле-хатынлы Зәйнуллиннар балаларын тәрбияләп үстерәләр, аларга белем бирәләр. Радик нефть институтын уңышлы тәмамлаган, ә Ландыш КХТИ тәмамлаган. Әби белән бабай оныкларны тәрбияләүдә булышалар.
Традиция буенча, юбилярларның исемнәре никах юбилярларының елъязмасына язылды. Тантаналы шартларда ир белән хатынга алтын туй уңаеннан юбилей папкасы һәм истәлекле бүләк тапшырылды.
Фото: ЗАГС
Следите за самым важным и интересным в Telegram-каналеТатмедиа
Оставляйте реакции
