Әлмәттән махсус хәрби операция зонасына ике мотоцикл җибәрделәр

Әлмәттән махсус хәрби операция  зонасына гуманитар йөкнең чираттагы партиясен җибәрделәр. Шәһәр активы 430 нчы полк сугышчылары соравы буенча барысын да сатып алган: инженерлык җиһазлары, оргтехника, офис урындыклары, канцелярия, техника өчен запас частьләр һәм майлау материаллары. Шулай ук Әлмәттән зур посылкага ике мотоцикл кергән. Ә тагын хәрбиләргә исемле посылкалар тапшырачаклар. Әлеге эштә студент-волонтерлар ярдәм итте.

«Тартмалар җиңел иде. Сугышчыларга ярдәм итү безгә ошады. Алла сакласын, өйләренә исән-сау кайтсыннар», - диде волонтер Тимур Тямганов.

Узган атна ахырында икенче машина 56 нчы Һава-десант полкына китте. Зур посылка азык-төлек продуктларыннан, шешәләргә салынган судан, кием-салымнан, масксетлардан һәм окоп шәмнәреннән торган. Чылбырлы платформаларны да төяделәр. Шулай ук сугышчыларга исемле посылкалар да җибәрелде.