Әлмәттә Чернобыль АЭСындагы аварияне бетерүчеләрнең батырлыгын хөрмәтләделәр
Техноген катастрофаны бетерүчеләр арасында 172 әлмәтле булган.
Әлмәттә Чернобыльдә аварияне бетерүчеләр истәлегенә мемориал янында митинг узды. 38 ел элек 20 гасырның иң куркыныч техноген һәм атом энергетикасы тарихында иң зур фаҗига булган. Ул йөзләрчә мең кешенең гомерен һәм сәламәтлеген ала. Ярты миллионга якын ликвидатор арасында 172 әлмәтле булган. Бүгенге көндә 99 кеше исән калган.
«Кешеләр үзләрен корбан итеп, аңлы рәвештә куркыныч астына куйдылар. Бу фаҗиганең таралуын туктату өчен сәламәтлекләрен, киләчәкләрен куркыныч астына куйдылар», - дип билгеләп үтте Әлмәт муниципаль районы башлыгы Тимур Нагуманов.
Фото: Әлмәт районы башлыгы телеграм каналы
Следите за самым важным и интересным в Telegram-каналеТатмедиа