«Светсервис» Әлмәттә фонтаннарның кайчан эшли башлаячагы турында хәбәр итте

Әлмәттә беренче булып, «Сәламәтлек» паркындагы фонтан эшли башлады. Ул 25 апрельдә техник режимда эшли. Атна ахырына шәһәр халкы драма театры артындагы фонтанны күрә алачак. Бу хакта «Светсервис» директоры Җәүдәт Сөләйманов хәбәр итте.

Яз һәм хезмәт бәйрәмендә, 1 майда, барлык фонтаннар 9:00 сәгатьтә эшли башлаячак. Эш көннәрендә эш режимы 10: 00 сәгатьтән урам яктыртуын кабызуга кадәр булачак. Ял һәм бәйрәм көннәрендә 9:00-22:00.

Әлмәтлеләрдән һәм шәһәр кунакларыннан чүп-чар һәм тәңкәләрне фонтаннарга ташламауларын сорыйлар. Бу фильтрларны томаларга мөмкин. Фонтаннарда коену да тыела, җәрәхәтләр алырга, шулай ук җиһазлар ватылырга мөмкин.

-Су коенучылар аркасында килеп чыккан проблемалар планнан тыш ремонт һәм зыян күргән фонтанны вакытлыча эксплуатациядән чыгаруны таләп итә, — дип ассызыкладылар район башлыгының матбугат хезмәтендә.

Фото: Әлмәт районы башлыгы матбугат хезмәте