Әлмәт районында Бөек Ватан сугышында катнашучы 103 яшен билгеләп үтте
Анна Панкратованы котларга Татарстан вице-премьеры Равил Әхмәтшин килде.
Әлмәт районында яшәүче Анна Панкратова 103 яшен билгеләп үтә. Аны котларга Татарстан вице-премьеры, республиканың Россиядәге тулы вәкаләтле вәкиле Равил Әхмәтшин килде.
Анна Серафимовна Каськи авылында туган. Бөек Ватан сугышында катнаша. Һава сакланышы гаскәрләрендә хезмәт итә. Прагага барып җитә, анда ул контузия ала. Сугышта җиңүне госпитальдә каршылый. Гомер буе Россия башкаласындагы «Москвич» заводында эшли.
Анна Панкратова ике бала тәрбияли. Аның өч оныгы һәм биш оныкчыгы бар. Хәзер ул кызы һәм оныгы белән яши. Бу хакта «Татарстанның Тулы вәкаләтле вәкиллеге»телеграм-каналында хәбәр ителә.
Фото: видеоның скриншоты
#МойГеройМояСемья
Сезнең дә батыр әби-бабаларыгыз турында башкаларга белдертәсегез киләдер. Республикада шундый чара үтә.
Бөек Ватан сугышы геройлары тарихы белән теләгән һәркем уртаклаша ала. Флешмобта катнашу өчен бары тик үз гаиләгез турында сөйләргә һәм #мойгероймоясемья #МинемГеройМинемГаилә хэштекларын куярга кирәк, фото куярга онытмагыз.
Следите за самым важным и интересным в Telegram-каналеТатмедиа
Оставляйте реакции
