Җәмгыять
Әлмәттә махсус хәрби операция зонасындагыларга токмач әзерләделәр
55 килограммга 800дән артык йорт йомыркасы сарыф ителгән.
Әлмәт районы Кичүчат авылында яшәүче Зөбәрҗәт Садриева токмач әзерләү өчен 18 кешедән торган команда оештыра. Бу хакта үзенең телеграм-каналында район башлыгы Тимур Нагуманов сөйләде.
"Осталарның алтын куллары белән 74 контейнер ярымфабрикатлар әзерләнгән, ә бу 55 килограмм өй токмачы. Аны ясау өчен шактый вакыт һәм көч, шулай ук 800 дән артык йомырка кирәк булган", - дип соклана район башлыгы.
Өйдә әзерләнгән контейнерлар якын арада хәрбиләргә җибәреләчәк.
Фото: Тимур Нагумановның телеграм-каналы
Следите за самым важным и интересным в Telegram-каналеТатмедиа