Әлмәт таможня посты үз урынын һәм пропискасын үзгәртте

5 октябрьдән алар үз эшләрен яңа адреслар буенча дәвам итәләр, дип хәбәр итә Татарстан таможнясы матбугат хезмәте.

Әлмәт таможня посты «Татнефтеснаб» идарәсенең Әлмәт базасы территориясендә, Объездная урамы, 5 нче йорт, 1 нче корылмада урнашкан.

Бу постның эшчәнлеге  үз эченә республиканың 14 районын ала, шул исәптән алты шәһәр: Азнакай, Әлмәт, Баулы, Бөгелмә, Лениногорск һәм Нурлат.

Таможня постлары тимер юл, автомобиль һәм авиация транспорт төрләре, халыкара почта җибәрүләре, шулай ук гражданнар шәхси файдалану өчен күчергән әйберләр һәм транспорт чараларын контрольдә тота.