10 елдан артык рәсми никахта яшәүче гаиләләргә бушлай җир бирергә тәкъдим иттеләр
Бу инициатива мегаполисларны урбанизацияләүдән шәһәр читендә заманча аз катлы төзелешне үстерүгә әкренләп күчүгә юнәлдерелгән.
ЛДПРдан Дәүләт Думасы депутатлары, фракция лидеры Леонид Слуцкий җитәкчелегендә, палата каравына 10 елдан артык рәсми никахта яшәүче һәм балалары булган гаиләләргә җир кишәрлеген бушлай бирү турында закон проектын кертәчәк. Бу хакта ТАСС Слуцкийның матбугат хезмәтенә сылтама белән хәбәр итә.
«Леонид Слуцкий җитәкчелегендә ЛДПР депутатлары 10 елдан артык рәсми никахта яшәүче һәм балалары булган гражданнарга шәхси торак төзелеше өчен бушлай җир участоклары бирергә тәкъдим итә. Төзәтмәләр проекты РФ Хөкүмәте нәтиҗәсен алганнан соң 30 көн эчендә Дәүләт Думасына кертеләчәк», – диелә матбугат хезмәте хәбәрендә.
Слуцкий сүзләренчә, бу инициатива мегаполисларны урбанизацияләүдән шәһәр читендә заманча аз катлы төзелешне үстерүгә әкренләп күчүгә юнәлдерелгән.
Сәясәтченең матбугат хезмәтендә билгеләп үтелгәнчә, бүлеп бирелгән җир участогы гаиләнең барлык әгъзаларының, шул исәптән ата-аналарның һәм балаларның уртак өлешле милкенә әвереләчәк, диелә хәбәрдә.
Следите за самым важным и интересным в Telegram-каналеТатмедиа
Оставляйте реакции
