Гаилә, мәхәббәт һәм тугрылык көнендә Әлмәттә 14 парның никахы теркәлде
Районда аерылышулар саны кими.
Ел саен 1000нән артык гаилә төзелә. Лаеклы күрсәткечләр, республиканың сизелерлек ярдәме, районның социаль-икътисади үсеше гаилә кыйммәтләрен һәм җәмгыятьтә гаилә статусын ныгытуга өмет бирә.
Гаилә, мәхәббәт һәм тугрылык көнендә Әлмәт шәһәренең Никахлашу сараенда 14 гашыйк пар язылышты. Бу көнне яңа өйләнешүчеләр, кунаклар өчен «Гаиләне саклыйк» проекты кысаларында гаилә, мәхәббәт һәм тугрылык көне белән котладылар, шулай ук сыйлар әзерләнде, дип хәбәр итә Әлмәт ЗАГСы.
Михайлов Владимир һәм Митякина Татьянаның никахларын теркәү удмурт милли традицияләре элементларын кулланып узган, алар чигелгән сөлгедә басып торганнар.
Фото: Әлмәт ЗАГСы
Следите за самым важным и интересным в Telegram-каналеТатмедиа