Әлмәттә 123 млн сумга троллейбуслар сатып алачаклар

Әлмәт районы башкарма комитеты 123 млн сумлык троллейбуслар сатып алачак. Биш яңа троллейбус шәһәр эчендә  пассажирлар йөртү өчен кулланылачак. Башкаручы компания белән контракт төзелгән инде, документ дәүләт сатып алулары сайтында урнаштырылган.

Яңа транспорт тәбәнәк идәнле, автоном йөрешлее, 107 кеше сыйдырышлы, видеокамералар һәм электрон мәгълүмат таблосы белән җиһазландырылган булачак. Җәмәгать транспортын 2023 елның апреленнән июленә кадәр этаплап китерәчәкләр.