Әлмәт районы Колшәрип авылы мәктәбендә ремонт бара

Колшәрип авыл мәктәбе яңа уку елы башына бик нык үзгәрәчәк. Быел 7 шәһәр һәм 7 авыл мәктәбе капиталь ремонт федераль программасына кергән. Проектка кертелгән учреждениеләр саны буенча Әлмәт районы төбәк лидеры. Яңартуга бюджеттан 500 миллион сумнан артык акча бүлеп бирелгән. 

Гөлия Исрафилова үз мәктәбендә һәр кадакны белә. 1989 елда ул Колшәрип авыл мәктәбен төзелгәннән соң кабул итә. Мәктәп төзелгәнгә 33 ел.   

«Бездә уку кабинетларын, спорт залын һәм коридорларны капиталь ремонтлау федераль программа буенча бара, ә ашханәне ремонтлау республика программасы буенча бара. Быел ук «үсеш ноктасы» планлаштырылган", – дип сөйләде Колшәрип урта мәктәбе директоры Гөлия Исрафилова.

Объекттагы төп эшләр исемлеге бик нык аерылып тормый: суүткәргеч, электр һәм башка коммуникацияләр. 35 миллион сумга эчке бизәкләү һәм җиһазлар да керә. Яңа парталар, өстәлләр, шкафлар һәм башка җиһазларга гомуми суммадан 5 миллион сум киткән. Ашханәгә 5 миллион 800 мең сум акча киткән. 

Барлык объектларда да төзүчеләр кыш ахырында, яз башында эшли башлаган. Иң пычрак, шау-шулы һәм озак вакытны ала торган эшләр каникуллар вакытына туры килсен өчен шулай эшләгән алар. Эшчеләр дә объектларны уку елы башына тапшырырга өлгерделәр. Шәһәрнекеннән аермалы буларак, авыл мәктәпләре «үсеш ноктасы» проектына да исәп тота ала. Ел саен 3-4 мәктәп анда катнаша.    

Төзүчеләр төп эшне 15 августка тәмамларга планлаштыралар, ә ай ахырына «үсеш ноктасы»да килеп җитәчәк. Фасад өстендә быел гына эшләп булмый. Артык чыгымлы, ди мәктәп җитәкчелеге. 

Мәктәптә барлыгы 150 укучы сыйныфта 20әр кеше. Ә тулы йөкләнеш 280 укучыга исәпләнгән. Йөз ярым мәктәп укучысына 14 педагог туры килә. 

Колшәрипкә кадәр шәһәрдән 8,5 километр яки 14 минут машинада. Директор фикеренчә, бу бераз булса да, беренче сыйныф укучылары арасында ажиотажны киметә. Бу уку елында Колшәриптә 16 бала беренче сыйныфка бара. 

Чыганак