Әлмәт автомобиль юллары идарәсе теплицаларында 350 меңгә якын чәчәк үсентеләре үстерелә

Шәһәр автомобиль юллары идарәсенең өч теплицасы территориясендә чын чәчәк җәннәте. Биредә 350 меңгә якын берьеллык чәчәк үсентесе үстерелә.

Иң популяр чәчәкләр-петунияләр. Аларның 9 төрен үстерәләр. Шулай ук бархатцыларның (сары, кызгылт сары), сальвия һәм цинерарийның 2 төре дә үсә. Чәчәкләрнең исән калуы-йөз процент!

Июльнең беренче яртысында теплицалар тулысынча бушаячак. Барлык чәчәкләр дә урам клумбаларына күчәчәк.

Чәчәкләр боҗраларны, шәһәр клумбаларын, пляж, яшьләр үзәге, Ленин, Тукай, Гагарин урамнары чатларын, Ленин мәйданы, «Нефтьче» мәдәният сарае мәйданын бизәячәк.

Яшелләндерүчеләрнең бурычы-сыйфатлы үсентеләр үстерү генә түгел, ә урамнарны зәвык белән бизәү дә. Утырту һәм алга таба карау белән яшел хуҗалыкның 6 алтын куллары шөгыльләнә. Нәкъ менә алар чәчәкләрнең барлык нечкәлекләрен яхшы беләләр.

Фото: Әлмәт муниципаль районы башлыгының матбугат хезмәте