Әлмәттә «СМП-Нефтегаз» оешмасы вәкилләре ветераннарны котлады

Аларның күбесенә бүген 90 яшьтән артык. Җиңү көне алдыннан «СМП-Нефтегаз» АҖ компаниясе хезмәткәрләре депутат Рамил Комаров ярдәме белән 10 нчы территориаль иҗтимагый үзидарә белән берлектә 2 нче Интернациональ округ территориясендә яшәүче тыл хезмәтчәннәрен котладылар. Алар бик аз калды. Яшьләр комитеты әгъзалары Җиңү вальсы биеделәр һәм хәрби җырлар җырладылар. 30 дан артык тыл хезмәтчәненә бүләкләр тапшырылды.

Шулай ук Бөек Җиңү бәйрәме алдыннан 4 нче урта мәктәп укучылары, ТОС -10 рәисе Гүзәлия Васильева ярдәме белән, Бөек Ватан сугышына багышланган «СМП-Нефтегаз» АҖнең төп предприятиесендә оештырылган күргәзмә экспозициясендә булдылар. Укучылар якташларыбыз – Никита Токарликов һәм Иван Тюгаевның сугышчан һәм хезмәт батырлыгы белән таныштылар. Шулай ук экспозициядә «Хәтер вахтасы» Бөтенроссия эзтабарлар хәрәкәте акциясе кысаларында 2019 елдан башлап Волгоград һәм Ленинград өлкәләрендә экспедицияләрдә катнашучы «СМП-Нефтегаз»эзтабарлар отрядының эш нәтиҗәләре тәкъдим ителде. «СМП» эзләү отрядында катнашучылар экскурсия үткәрделәр һәм  экспонатлар турында җентекләп сөйләделәр. Барлык укучылар да зур кызыксыну белән экспозиция белән таныштылар һәм сугыш елларында туганнарының язмышлары турында күбрәк белергә теләк белдерделәр.

Һәлак булганнар турында хәтерне саклау-патриотик тәрбия бирүнең иң мөһим юнәлешләренең берсе, чөнки нәкъ менә изге хәтер безгә җиңүче халкыбызның көчен һәм рухын сакларга мөмкинлек бирә.

Әлмәт районы башлыгы матбугат хезмәте