Әлмәттә 1 майны билгеләп үттеләр
Бәйрәмгә ветераннар, профсоюз, иҗтимагый, яшьләр оешмалары, хезмәт коллективлары җитәкчеләре һәм вәкилләре җыелды.
Шәһәр паркында Яз һәм Хезмәт бәйрәмен билгеләп үттеләр. Хезмәт ияләре адресына җылы котлаулар һәм рәхмәт сүзләре яңгырады.
Традиция буенча Беренче Май Социалистик Хезмәт Геройларын хөрмәтләү белән башлана. «Бүген без бу исемгә хаклы рәвештә ия булган кешеләргә чәчәкләр салабыз. Алар герой булырга теләмәделәр, алар үз эшләрен генә башкардылар», - дип билгеләп үтте «Татнефть» төбәкара профсоюз оешмасы рәисе урынбасары Рифдар Хәмәдьяров.
«Без аларның хезмәте турында хәтерлибез, алар ярдәмендә безнең район чәчәк ата. Сәламәтлек һәм тышкы факторлар белән бәйле проблемаларга карамастан, алар куелган максатка ирешкәннәр», - дип ассызыклады Айдар Каюмов үзенең котлау чыгышында.
Тантаналы өлештән соң Дан аллеясына үз көчләрен безнең җәмгыять нигезенә салган кешеләр хөрмәтенә чәчәкләр салынды. Алар хезмәт кешесенең һәрвакыт мактаулы урында булуы өчен эшләделәр.
Митингта Әлмәт районы профсоюзлары оешмаларының координация советы рәисе Марсель Бикмуратов ветераннарга һәм яшьләргә мөрәҗәгать итте: «Сезне Яз һәм Хезмәт бәйрәме белән котлыйм. Бүген илдә Профсоюзлар җыелышлар һәм утырышлар үткәрә, анда илдәге социаль-икътисади үзгәрешләргә үз карашларын белдерә. Шәһәр хакимияте, предприятие һәм профсоюз оешмаларының уртак эше бүгенге бәйрәм чараларын оештырырга мөмкинлек бирде. Мәдәни-спорт чараларында катнашучыларга эшләрендә уңышлар һәм сәламәтлек телим!».
Бәйрәм Әлмәт коллективларының концерт программасы белән дәвам итте.
Әлмәт муниципаль районы башлыгының матбугат хезмәте
Следите за самым важным и интересным в Telegram-каналеТатмедиа