Әлмәт таңнары

Әлмәттә "Җиңү канатлары" фестивале дәвам итә

"Знамя труда" газетасы һәм район мәгариф идарәсе оештырган "Җиңү канатлары" фестивале май бәйрәмнәреннән соң да дәвам итә.

Тәрбиячеләр балаларга ПЕ-2 хәрби бомбардировщиклары һәм очучыларның батырлыгы турында сөйли. Акциядә катнашкан күп кенә балалар бакчалары видео-һәм фотоотчетлар җибәрә. Аларга тагын 4 мәктәпкәчә учреждение кушылды.

7  номерлы "Алтын ачкыч" балалар бакчасында нәниләр белән "Аларның исемнәре белән урамнар аталды", "Без яши торган ил", "Минем бабам", "Яз килде-Җиңү язы!" , "Балалар-сугыш геройлары" темаларына әңгәмәләр уздырылган. Аларны Бөек Ватан сугышы герой-шәһәрләре исемнәре һәм истәлекле урыннары белән таныштырдылар.

Фестиваль кысаларында өлкән һәм әзерлек төркемнәрендә тарих буенча дәресләр узган. Балалар өйләрендә  кәгазь самолетлар ясаганнар. Ата-аналар балаларга очу үзлекләрен рәсмиләштерү һәм сынау белән булышкан. Икенче көнне балалар, аларны күккә очыру өчен  бакчага самолетлар алып килгәннәр.

Реклама

Моның белән бәйрәм чаралары тәмамланмаган. Бер тәрбияләнүченең әнисе Георгий тасмасын теккән. Музыкаль җитәкчеләр Җиңү көненә багышланган иртәләр оештырганнар: балалар шигырьләр сөйләгән, җырлар һәм биюләр башкарганнар. Ә 9 майга тәрбияләнүчеләр әниләре һәм әтиләре белән бергә "Үлемсез полк 2021" онлайн-марафонына кушылганнар.

Бәйрәмнәрдән соң фестиваль 32 номерлы «Тузганак», 53 номерлы «Светофорик» һәм 39 номерлы «Алтын әтәч» балалар бакчаларында узган.


Гаризалар күп булу сәбәпле, "Җиңү канатлары" акциясе дәвам итә. Нәтиҗәләр 1 июньдә   ясалачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: