Әлмәттә Җиңү көне уңаеннан бәйрәм чаралары башланды

Парадта катнашучыларның һәм барлык әлмәтлеләрнең игътибары зур экраннарга юнәлтелде, реаль вакытта илнең Мәскәүдәге Кызыл мәйданында төп парады күрсәтелде. Шәһәр халкы һәм кунаклары Россия Президенты чыгышын тын да алмыйча тыңлады. Ленин мәйданында-бәйрәм тантаналарының үзәгендә концерт программасы башланды. Биредә шулай ук туклану нокталары урнаштырылган һәм сәүдә рәтләре эшли."Әлмәтнефть"  һәм район башкарма комитеты сәхнәләрендә шәһәрнең иҗат коллективлары, "Фристайл" заманча бию студиясе, "ГОЛОС" вокал студиясе, "Әлмәтем" ансамбле, "ЛИРА" җыр театры, "ШАНС" бию мәктәбе, "Нефтьче" мәдәният йорты коллективлары чыгыш ясый.