Әлмәтлеләрне “Яшерен Кыш бабай” акциясендә катнашырга чакыралар

Балачакта һәркем Кыш бабайга иң якты хыяллары турында хат язгандыр. Яңа ел бәйрәме - балачакны искә алу һәм башка кешегә могҗиза бүләк итү өчен тылсымчы булырга менә дигән мөмкинлек.

Акциядә катнашу өчен тайныйдедмороз. рф сайтында теркәлергә кирәк.

Теркәлгәннән соң һәр катнашучы бүләк җибәрәчәк кеше турында мәгълүмат ала, шул кешене Яңа ел белән котларга кирәк була.

Бүләкләр алмашу катнашучылар теләге буенча онлайн һәм офлайн форматларда бара, шулай ук катнашучылар үзләренең катнашу географиясен үзләре билгели ала.