Җитештерүчеләр Татарстанда үсемлек маена бәяләр ни өчен артуын аңлатты
Татарстанда көнбагыш маена бәяләрнең артуын федераль чаралар хисабына туктатып торырга ниятлиләр.
Майга бәяләр көнбагыш уңышы начар булу, дөнья бәяләренең артуы һәм долларга карата Россия валютасы курсының тирбәлүе аркасында күтәрелгән. Россия Май берлегенең башкаручы директоры Михаил Мальцев «Татар-информ» агентлыгына шундый фикерен белдерде.
«Көнбагыш маена бу елдагы бәяләр доллар курсы күтәрелү һәм дөнья бәяләре артуыннан чыгып формалаштырыла. Төп җитештерүче-илләр – Россия һәм Украинада әлеге культураның уңмавы да көнбагыш маена бәяләрнең артуына бәйле вазгыятькә сизелерлек йогынты ясады, бу көнбагыш хакы кисәк күтәрелүгә китерде», - дип искәртте Мальцев.
Владимир Путин элегрәк, «биредә пандемиянең катнашы юклыгын» искәртеп, төп продуктларның бәясе артуга игътибар юнәлткән иде. РФ Премьер-министры Михаил Мишустин 14 декабрьгә азык-төлек бәяләрен нормальләштерү буенча норматив-хокукый актлар әзерләргә кушты.
Следите за самым важным и интересным в Telegram-каналеТатмедиа
Оставляйте реакции
