Кайнар линия: дәреслекләр һәм эш дәфтәрләре белән түләүсез тәэмин итәләрме?

Сорауларга прокуратура хезмәткәрләре җавап бирәчәк.

15 октябрьдән Татарстанда мәктәп укучыларын һәм мәктәпкәчә яшьтәге балаларны дәреслекләр һәм эш дәфтәрләре белән түләүсез тәэмин итү мәсьәләләре буенча бушлай кайнар линия эшли башлады. Бу хакта ТР Прокуратурасы матбугат хезмәте хәбәр итә.

Кайнар линия тәүлек буе 15 октябрьдән 22 октябрьгә кадәр эшләячәк. Укучыларның ата-аналары үзләрен кызыксындырган сорауларны түбәндәге телефоннар буенча бирә алалар:

• 8 (843) 291-19-25 (гражданнар мөрәҗәгатьләрен кабул итү төркеме) эш көннәрендә 9:00 дан 18:00 гә кадәр.
• 8 (843) 291-18-00 (балигъ булмаганнар һәм яшьләр турындагы законнарның үтәлешен күзәтү бүлеге) эш көннәрендә 9:00 дан 18:00 гә кадәр.
• 8 (843) 291-18-81 (дежур прокурор) эш көннәрендә 18:00 дән 9:00 гә кадәр һәм эш көне булмаган көннәрдә.