Россиядән авиаэлемтә буенча 24 илгә чикләр ачылды
Илләр исемлегендә әлегә чикләре ябык булган илләр дә бар.
Россия авиакомпанияләре 24 илгә очышларга рөхсәт алды, тиешле боерыкны Росавиация чыгарды.
Авиакомпанияләр Белоруссия, Бөекбритания, Мисыр, Казахстан, Кыргызстан, Мальдивлар, Берләшкән Гарәп Әмирлекләре, Төркия һәм Танзаниягә керә алачак. Очышларга рөхсәт бирелгән ябык илләр арасында — Әзербайҗан, Әрмәнстан, Германия, Греция, Израиль, Испания, Италия, Кипр, Кытай, Мальта, Нидерланд, Согуд Гарәбстаны, Төрекмәнстан, Чехия, Үзбәкстан.
Авикомпанияләр шулай ук Австриягә, Болгариягә, Венгриягә, Испаниягә, Франциягә һәм Кубага чартер очышларына рөхсәт алды.
Росавиация вәкиле ассызыклап үткәнчә, бу документ авиаочышларның яңадан гамәлдә булуын аңлатмый.
«Авиакомпаниягә рөхсәт — очышлар яңадан гамәлдә булгач, алардан файдаланырга мөмкинлек бирүче хокук», — дип тәмамлады ул.
Чыганак: Татар-информ
Следите за самым важным и интересным в Telegram-каналеТатмедиа