Әлмәттә яшәүче пенсионер ханым мошенникларга 185 мең сум акча күчергән

Банк хезмәткәре булып үзен таныштырган ханым пенсионерга аның счетыннан банкның бер хезмәткәрләре законсыз 10 мең сум акча алганын хәбәр итә. Телефон мошенниклыгының турында шактый хәбәрдар булып, хатын шунда ук акчаларның сакланышын тикшереп, кәрәзле банк кушымтасын урнаштырып, акча күчүнең ялган булуын раслый.
 

Әмма шалтыраткан кыз бу мәгълүмат актуальлеген югалтты һәм чынбарлыкка туры килми, дип белдергән. Аннары сөйләшүне билгесез ир-ат дәвам иткән. Ул хатынга кичекмәстән банкка килергә һәм барлык акчаларны картадан алып калырга сораган. Зыян күрүченең ул кичтә аяклары авырганлыктан, ул үз-үзен начар хис итү сәбәпле, өйдән чыгудан баш тарта һәм банкка баруны иртәнгә кадәр кичектерергә тырыша. Тик ир мәгълүматның югалуы хакында белдергән, аңа кичекмәстән акчаны чыгарып куркынычсыз счетка күчерергә кирәк, дигән. Куркып калган хатын шунда ук такси чакыртып, банкка юнәлә. Анда ул 185 мең сум акчасын чыгарган һәм аларны ир-ат әйткән счетка күчергән. Шуннан соң ир-ат аңа иртәгә акчасын салган банк адресын шалтыратып әйтәчәкләрен вәгъдә иткән. Икенче көнне вәгъдә ителгән шалтырату булмаган, ханым полициягә мөрәҗәгать итә.
 

Әлеге факт буенча җинаять эше кузгатылды.

Фото: Pixabay