Тимур Нагуманов Әлмәтнең бер балалар бакчасын тикшергән

Шәһәр һәм районның мәктәпкәчә белем бирү учреждениеләрендә урыннар җитмәү-элеккечә үк мөһим һәм актуаль мәсьәлә.

"Без 3 яшьтән 7 яшькә кадәрге балалар өчен бакчаларга ихтыяҗны ябарга ирештек. Ел ярым-өч яшьлек сабыйлар проблемасын без шәхси балалар бакчалары белән хезмәттәшлек аша актив хәл итәбез" - ди Тимур Нагуманов. ⠀

Балалар бакчалары куркынычсыз һәм уңайлы булырга тиеш. Шәһәрнең бер балалар бакчасын шәһәр башлыгы барып күргән: койма белән әйләндереп алынган территория, ата-аналар өчен онлайн режимында видеокүзәтү, ФГОС стандартлары буенча дәресләр, иҗади һәм спорт күңел ачу, балансланган туклану һәм йокы, көндәлек медицина күзәтүе – бәхетле балачак өчен кирәк булган барлык нәрсә анда бар дип билгеләгән Нагуманов.

Үзәккә 1 елдан алып 4 яшькә кадәр 40лап бала йөри. Безнең бурыч - мондый балалар бакчаларын үстерү һәм аларга ярдәм итү, аларны барлык халык өчен дә уңайлы итү, хезмәтнең югары сыйфатын саклап калу.