Әлмәт мәгариф идарәсенә яңа җитәкче билгеләнде

Ул Садетдинов Дмитрий Шеисданович. 2011 елдан бирле 21 нче мәктәп директоры булып эшләгән. 28 июльдән - Әлмәт муниципаль районы мәгариф идарәсе начальнигы.

Идарәнең элекке башлыгы Рафаэль Ганиев башка эшкә киткән. Айрат Хәйруллин аңа намуслы хезмәте өчен рәхмәт белдерде һәм «Мәгарифтәге казанышлары өчен» күкрәк билгесен тапшырды.

Сүз уңаенда әйткәндә, район башкарма комитеты җитәкчесе мәгариф учреждениеләре җитәкчеләре алдына конкрет бурычлар куйды.

- Безгә бөтен мәгариф системасын үзгәртергә кирәк. Сыйфат ягыннан яңа баскычка күтәрелергә. Берничә елга исәпләнгән эш планы булдыру зарур. Сезнең эш гади түгел һәм мәгариф системасының сыйфатын яхшырту белән мин шәхсән шөгыльләнәчәкмен, - диде ул.