Әлмәт балаларына лагерьларда урын җиткәнме?
Җәй айларының меңләгән балалар өчен иң кызыклы чагы - җәйге лагерьлар соңгы көннәрен эшләде.
Урыннар чикле булса да, бушлай бу лагерьларны күп ата-аналар үз итә.
21 көнлек мәктәп каршындагы җәйге лагерьларга быел Әлмәт шәһәре һәм авыл мәктәпләреннән барлыгы 3000 укучы, ә хезмәт һәм ял лагерена 900 өлкән укучы йөргән. Андый лагерьлар һәр мәктәптә диярлек оеша.
Әлмәтнең 2 нче урта мәктәбенә, мәсәлән, барлыгы 160 бала йөргән. Лагерьда үткәрелгән һәр көн үзенең тематикасы һәм эчтәлеге белән бер-берсеннән аерылып торган. Мәсәлән, спорт көннәре, юлда йөрү кагыйдәләренә багышланган кичәләр, төрле бәйгеләр даими уздырылган.
Следите за самым важным и интересным в Telegram-каналеТатмедиа