Әлмәт балалары Кара диңгез буенда ял итәчәк
«Алнас» заводы үз хезмәткәрләре балаларының җәйге ялын оештыруга 1 миллион сум юнәлтергә ниятли.
Өч ай дәвамында әлеге предприятиедә хезмәт куючыларның 58 баласы Кара диңгез буенда ял итәчәк, Әлмәтнең «Зәңгәр күл» санаторий-профилакториенда сәламәтлеген ныгытачак.
Профилакторийда 28 бала фитотерапия, массаж курслары һәм башка савыктыру процедуралары алачак. Ата-аналар путевка бәясенең нибары 10 процентын гына түли - бу якынча 2 мең сумнан артык. Калган чыгымнарны предприятие үзе һәм җирле хакимият күтәрә.
Август аенда 30 бала Кара диңгез буена юл тотачак. Ата-аналарга транспоррт чыгымнарын гына күтәрергә тәкъдим ителгән, калган чыгымнарны, шул исәптән яшәү һәм ашауны, завод компенсацияли.
Следите за самым важным и интересным в Telegram-каналеТатмедиа