Каникуллар башлана, балаларны ничек мавыктырырга?

Аларны балалардан бигрәк ата-аналар зур түземсезлек белән көтеп алса да, бу чорда сабыйларын кемгә калдырырмын икән дип баш вата да башлаганнардыр инде...Республика мәктәп укучыларының көзге каникуллары 2 ноябрьдән башлана һәм 8 ноябрьгә кадәр дәвам итәчәк. Безнең Әлмәт мәдәни инфраструктурасы белән зур калалардан бераз калышса да, каникуллар чорында балаларга бәйрәм оештырмаслык түгел. Мисал өчен, картиналар галереясы, төбәкне өйрәнү музее, һәрдаим концерт-тамашалар узып торган "Нефтьче" Мәдәният сарае, татар дәүләт драма театрыбыз бар.