Әлмәттә "Адымнар" мәктәбе төзелеше тәмамланды
Бу атнада объектка таләпләргә туры килү турында бәяләмә биреләчәк.
Әлмәттә «Адымнар — белем һәм татулыкка юл» полилингваль комплексы төзелеше тәмамланды. Бу атнада объектка таләпләргә туры килү-килмәү турында бәяләмә биреләчәк, шуннан соң мәктәп рәсми рәвештә тапшырылган объект дип саналачак, дип хәбәр итте турыдан-туры эфир вакытында район башлыгы Тимур Нагуманов.
"Без 1 сентябрьгә график буенча мәктәпне белем бирү лицензиясе һәм ярашлылык турында бәяләмә белән тулы күләмдә эшләтеп җибәрергә өлгерәбез. Мәктәп бик кызыклы һәм перспективалы булачак, әмма аны гади дип атап булмый", — дип ассызыклады Нагуманов.
Әлмәт муниципаль районы мәгариф идарәсе башлыгы Ирина Павловская мәктәп укучыларны кабул итүгә 100% әзер, дип ышандырды.
"Мәктәп 100% ка әзер, җиһазлар кайтарылган, класслар балаларны кабул итәргә тулысынча әзер. Полилингваль гимназиядә телләр тирәнтен өйрәнеләчәк. Димәк, без телләрне өйрәнәчәкбез һәм өч телдә — рус, татар һәм инглиз телләрендә укытачакбыз. Моннан тыш, балалар түгәрәкләрдә тагын Кытай һәм гарәп телләрен өйрәнәчәкләр", - дип сөйләде Ирина Павловская.
Следите за самым важным и интересным в Telegram-каналеТатмедиа
