Әлмәт районы башлыгы Тимур Нагуманов: Әлегә мәктәпләрне ябарга планлаштырмыйбыз

Әлмәттә сулыш-тын юллары авырулары белән авыручылар санының сезонлы артуы аркасында мәктәпләрне ябарга җыенмыйлар. Вәзгыять мониторингы көн саен дәвам итә. Бу хакта Әлмәт районы башлыгы Тимур Нагуманов инстаграмда турыдан-туры эфир вакытында сөйләде.

"Укучыларның 20%ы авырса, рәсми нигездә мәктәпләрнең эшен туктатырга була.  Әлегә бу күзәтелми, бүген иртән,  4,8% иде. Шуңа күрә теге яки бу мәктәпне карантинга җибәрү турында карар кабул итү өчен нигезләр юк", - дип төгәлләде чыгышын Тимур Нагуманов.