Әлмәт районында "Татарлар - бөек халык" чарасы узды
Бәйрәм чарасы бөек татар шагыйре Габдулла Тукайның тууына 135 ел тулуга, республикада туган телләр һәм миләтләр бердәмлеге елына багышланган.
Районның Сөләй мәктәбендә укучы 1-11 сыйныф укучылары бәйрәмдә катнашкан.
8 нчы сыйный укучылары борынгы әби-бабаларыбызның һөнәрләре, көнкүрешләре һәм борынгы Болгар дәүләте, Казан ханлыгы, Сөембикә ханбикә язмышы турында чыгыш ясаган.
9-11 сыйныфта укучылар аулак өйне сәхнәләштергән. Алар "Челтәр элдем читәнгә", "Сигезле", "Чума үрдәк, сума каз", "Йөзек салышлы" уеннарын уйнаган.
Башлангыч сыйныф укучылары "Шүрәле" биюен башкарса, 5-7 сыйныфлар Г.Тукай әкиятләрен сәхнәләштергән.
Татар халкының Бөек ватан сугышында күрсәткән батырлыгын да искә алганнар.
Чара "Туган тел" җыры белән тәмамланган.
Следите за самым важным и интересным в Telegram-каналеТатмедиа
Оставляйте реакции
