Мәгариф
Әлмәттә әти-әниләр БДИ тапшырды
Чара 30 март көнне узды.
Шәһәрнең 20 нче мәктәбе базасында “Әти-әниләрнең БДИ тапшыру көне” акциясе узды. Рус теленнән имтиханны 13 кеше тапшырып карады.
Бер сәгать эчендә алар берничә бирем үтәделәр. Бу әти-әниләр балаларының имтиханы ничек тапшыруын күз алдына китерсен өчен эшләнә.
Биремнәрне тикшергәндә катнашучылар өчен пресс конференция дә үтте. Анда әти-әниләр мәгариф идарәсе хезмәткәрләренә үзләрен кызыксындырган сорауларны бирделәр. Максималь үтәлеш 43 процентны тәшкил иткән. Һәр кешенең индивидуаль нәтиҗәләре үзләренә тапшырылды, дип хәбәр итә Әлмәтнең мәгариф идарәсе.
Следите за самым важным и интересным в Telegram-каналеТатмедиа