Әлмәттә “Нефть кухнясы”нда химия укытучыларын укыттылар

Татарстанның көньяк-көнчыгышындагы биш район педагоглары “Нефть кухнясы” бөтенроссия проектының уку-укыту программасын уздылар.

Укулар “Татнефть” хәйрия фонды ярдәме белән оештырылды. Компания яшьләргә белем бирүгә аерым игътибар бирә. Яшь буында фәнгә кызыксыну уяту, үсеш өчен барлык мөмкинлекләр тудыру – өстенлекле бурыч. Төп максат - теоретик һәм практик өлешләрне берләштерергә мөмкинлек бирә торган яңа укыту методикаларын гамәлгә кертү.

“Нефть кухнясы” белем бирү программасы 18 марттан 23 мартка кадәр дәвам итте. Дәресләр “Әлмәт” иҗтимагый үзәгендә узды. Анда Әлмәт, Бөгелмә, Баулы, Лениногорск һәм Азнакай районнарыннан 100 химия укытучысы катнашты.

- Безнең максат-һөнәри педагогик бергәлекне үстерү. Биредә булып, укытучылар, заманча алымнарга таянып, дәрес төзи алачаклар. Химиядә катлаулы темалар гади тел белән аңлатылса, тәҗрибәләр күрсәтелсә, ул укучыларны тагын да ныграк кызыксындыра, - ди “Татнефть” хәйрия фонды директоры Ренат Мамин.

- Без проектны 2019 елдан бирле тормышка ашырабыз. Ул белем бирү генә түгел, ә һөнәри юнәлешне сайлау мөмкинеген дә бирә. Балаларны сәнәгатьнең мөһим юнәлешләре белән тулырак таныштырсак, аларбулачак һөнәрләрен аңлап сайлаячак, - дип билгеләп үтте “Нефть кухнясы” җитәкчесе Айгөл Шадрина.

Аның сүзләренә караганда, педагоглар белән очрашу август аенда “Татнефть” виртуаль балалар лагере базасында узган онлайн-дәресләрнең дәвамы булды. Семинарның төп идеясе-укытучыларга төбәктәге сәнәгатьнең актуаль юнәлешләре белән бәйләп, белем бирү программасында булган дәресләрне нәтиҗәлерәк үткәрергә ярдәм итү.

“Нефть кухнясы” программасы теоретик һәм практик өлешләрдән гыйбарәт иде. Башта тренерлар укытучыларга хәзерге заман күзлегеннән инде булган укыту методикаларын карарга ярдәм итте. Соңыннан педагогларга практикада яңа тенденцияләрне ачыкларга тәкъдим иттеләр: алар кул астындагы акчалардан молекула макетларын ясадылар һәм тәкъдим ителгән сценарийлар буенча дәресләргә җавап бирделәр.

Һәр укытучыга җыелмалар бирү күңелле сюрприз булды. Тартмада заманча стандартлар буенча химия укыту өчен кирәкле бөтен нәрсә дә бар: әзер дәресләр планнары, молекула модельләре, блокнотлар, канцелярия товарлары. Комплектка флешка да өстәделәр. Анда электрон рәвештә блогер төшергән материаллар, уеннар һәм өйрәтү видеороликлар саклана. Әлеге бокс ярдәмендә дәрес алдыннан укытучыга кирәкле сценарийны табарга, реквизит әзерләргә һәм интерактив инструментлардан Файдаланырга кирәк булачак. Шулай ук педагогларга нефть эшкәртү заводының гадиләштерелгән схемасын бүләк иттеләр.