Быел Татарстанда 13 яңа балалар бакчасы төзеләчәк
Узган ел республикада 7 яңа мәктәп кулланылышка тапшырылган.
2021 елда Татарстанда "Демография" милли проекты кысаларында 2290 урынга исәпләнгән 13 балалар бакчасы төзергә планлаштыралар.
"66 төркемнең профиле үзгәртеләчәк. Димәк, яңа урыннар барлыкка киләчәк", - дип белдерде ТР мәгариф министры Илсур Хәдиуллин.
2020 елда Татарстанда 7 мәктәп кулланылышка тапшырылган. Яңа мәктәпләр Казан, Алабуга, Чистай, Әлмәт шәһәрләрендә һәм республиканың берничә районында төзелгән.
Следите за самым важным и интересным в Telegram-каналеТатмедиа