Район башлыгы инженерлык лицеенда булды
Яңа мәктәп быелның сентябрендә ачылды.
Очрашуда район башкарма комитеты җитәкчесенең төзелеш буенча урынбасары Денис Косарев, мәгариф идарәсе начальнигы Ирина Павловская, төзелеш, элемтә, транспорт һәм юл хуҗалыгы идарәсе начальнигы Илсур Сәлимгәрәев катнашты.
Тимур Нагуманов сыйныфларда техник җиһазлар, физика һәм химия дәресләре өчен лаборатория белән кызыксынды. Балалар 3D-принтерда эшли торган технология кабинетын, ашханәне, бассейнны карады.
Әлеге белем йорты «Татнефть» компаниясе ярдәме белән төзелде. Биредә техник, инженерлык, химия-технология юнәлешендәге фәннәрне тирәнтен өйрәнүгә аерым игътибар бирелә. Болар барысы да республиканың сәнәгать һәм нефть тармагы өчен кадрлар әзерләү максаты белән эшләнә.
Следите за самым важным и интересным в Telegram-каналеТатмедиа