Татар театры директорлары татар язучыларының театрларга йөрмәвенә зарланды
«Татар-информ»да Театр елы уңаеннан оештырылган түгәрәк өстәл утырышы узды.
Татар театры директорлары татар язучыларының театрларга йөрмәвенә аптырый. Бу хакта кичә «Татар-информ»да Театр елы уңаеннан оештырылган түгәрәк өстәл утырышында әйтелде.
“Гастрольләргә Казанга киләбез – мин театрда язучыларны күрмим. Чакыру бирсәң дә, “килә алмадык инде”, диләр”, - ди Әлмәт театры директоры Фәридә Исмәгыйлева.
“Драматурглар “Нигә премьераларыгызга чакырмыйсыз?” дип шалтыраталар. “Мәгълүмат бар, килегез”, дим. “Шалтыратсагыз, без кабул итмибезмени?” дим. Залда урын булмаса, урындык куеп булса да утыртабыз”, - ди Камал театры директоры Илфир Якупов.
“Театрлар белән янып яшәү юк. Театрларга йөрергә кирәк. Драматурглар, композиторлар бергә эшләсәк кенә яхшы әсәрләр тудырырга мөмкин”, - ди Түбән Кама театры директоры Рөстәм Галиев.
“Театрларга йөрмәгән, синең спектакльләрне карап бармаган драматургларны ничек куясың?!” – ди Буа театры директоры Раил Садриев.
Фото: Султан Исхаков
Следите за самым важным и интересным в Telegram-каналеТатмедиа
Оставляйте реакции
