Пугачева белән Галкинның уллары рекорд куйган
Күптән түгел Максим Галкинның Instagram тасмасында кызыклы видеоязма барлыкка килде. Әлеге видео артистның улы Гарриның бассейндагы тренировкасы вакытында төшерелгән. Биредә кечкенә Гарри 1 – 2,5 метр тирәнлектә су астында 20 метр ераклыкка йөзә! Әйтергә кирәк, 5 яшьлек бала өчен бу шактый зур ара.
– «Гарри дает! 20 метров под водой на глубине от 1 до 2,5 метров», – дип улы белән горурлану хисләрен уртаклаша әти кеше.
Судан башын калкыткач, кечкенә Гарри үзенең су асты «рекордына» үзе дә бәя бирде:
– «Я две самые дальние палочки достал. Без тебя», – дип мактанды малай әтисенә.
Әлеге видеоязма йолдызлы гаиләнең тамашачыларын шаккаттырган. Берничә сәгать эчендә Гарриның «рекорды» 1 500 000 артык лайк һәм бик күп мактаулы комментарийлар җыйган!
Автор: А.Галимова
Фото: Инстаграм
Следите за самым важным и интересным в Telegram-каналеТатмедиа
Оставляйте реакции
