Әлмәт таңнары

Әлмәттә танылган композитор Рәис Нәгыймовны искә алдылар [+фото, +видео]

Та­ныл­ган ком­по­зи­тор, Та­тарс­тан­ның ат­ка­зан­ган мә­дә­ни­ят хез­мәт­кә­ре, 33 ел буе 1 нче ба­ла­лар му­зы­ка мәк­тә­бе­нең алыш­тыр­гы­сыз җи­тәк­че­се бул­ган Рә­ис Нә­гый­мов­ның ара­быз­дан ки­тү­е­нә дә бер ел.

Мәң­ге­гә хуш­лаш­са да, ул ру­хы, җыр­ла­ры, үзен­нән соң кал­дыр­ган як­ты эзе бе­лән хез­мәт­тәш­лә­ре, иҗат­таш дус­ла­ры, шә­керт­лә­ре, Әл­мәт хал­кы кү­ңе­лен­дә. Әнә, му­зы­ка көл­ли­я­тен­дә аның ис­тә­ле­ге­нә дү­шәм­бе көн­не оеш­ты­рыл­ган ки­чә­гә дә кем­нәр ге­нә кил­мә­гән.

Ки­чә­нең 1 нче ба­ла­лар му­зы­ка мәк­тә­бе укы­ту­чы­ла­рын­нан тор­ган инст­ру­мен­таль ан­самб­ль чы­гы­шы белән баш­ла­нуы юк­ка бул­ма­ды. Ан­самбль оеш­ты­ру ком­по­зи­тор­ның як­ты хы­я­лы бу­ла. Яшь­рәк ча­гын­да ул үзе дә ан­да уй­ный. Ре­пер­ту­а­рын­да төр­ле ха­лык­лар­ның көй­лә­ре бул­ган ан­самбль яшә­вен дә­вам итә, кол­лек­тив - "Те­ре чиш­мә" ха­лы­ка­ра бәй­ге­се лау­ре­а­ты.

Рә­ис Нә­гый­мов та­гын бер хы­я­лын тор­мыш­ка ашы­рып кит­те - му­зы­ка мәк­тә­бе кар­шын­да хо­ре­ог­ра­фия бү­ле­ге дә ачыл­ды. "Ор­чык" бию ан­самб­ле өмет­не ак­ла­ды, ул күп­ме ба­ла­ны үзе­нә җә­леп ит­те, шу­лай ук ха­лы­ка­ра бәй­ге­ләр­дә, фес­ти­валь­ләр­дә чы­гыш ясап, Әл­мә­те­без­дә та­лант­лы би­ю­че ба­ла­лар бар­лы­гын та­ныт­ты. Ком­по­зи­тор­ның "Ми­нем әти - гар­мун­чы" җы­ры­на алар баш­ка­ру­ын­да­гы хо­ре­ог­ра­фик ком­по­зи­ция шу­лай ук зур ал­кыш­лар­га кү­мел­де.

Рә­ис абый ос­та ба­ян­чы иде. Күп­ме шә­керт­кә му­зы­ка дөнь­я­сы­на, ба­ян сер­лә­ре­нә юл яр­ды ул. Шу­ны­сы ку­а­ныч­лы, аның эше дә­вам итә. Шу­шы көн­нәр­дә ге­нә "Көз­ге җи­ләк" исе­ме ас­тын­да ка­ла­быз­да бе­рен­че тап­кыр ба­ян­чы­лар һәм ак­кор­де­он­чы­лар­ның ачык бәй­ге-фес­ти­ва­ле үт­кә­рел­де. Фес­ти­валь­гә Рә­ис Нә­гый­мов исе­ме би­рел­гән. Әле­ге ча­ра дә­вам­лы бу­лыр дип ыша­на­сы ки­лә. Фес­ти­валь лау­ре­ат­ла­ры ки­чә­дә дә чы­гыш яса­ды. Мон­дый ал­маш бул­ган­да хал­кы­быз­ның ярат­кан көй­лә­ре югал­ма­я­ча­гы­на ыша­ныч зур­дан.

Кем бе­лән ге­нә ара­лаш­ма, фи­ке­рен со­раш­ма, алар­ның һәм­мә­се Рә­ис Нә­гый­мов­ның узып ки­тә тор­ган, җи­ңел эч­тә­лек­ле ши­гырь­ләр­гә көй яз­ма­вын ас­сы­зык­лый. Чын­лап та, ком­по­зи­тор­ның һәр­бер җы­ры ти­рән мәгъ­нә­гә ия. "А­выл", " Шу­шы як­тан, шу­шы туф­рак­тан без", "Ур­сал тау­да", "Каз үлә­не"... Исем­лек­не озак дә­вам итәр­гә бу­ла. Алар бү­ген дә ат­ка­зан­ган ар­тист­ла­ры­быз­ның ре­пер­ту­а­рын­нан төш­ми.

Ком­по­зи­тор­ның та­ба­дан төш­кән җыр­ла­рын иң бе­рен­че бу­лып үзе­без­нең җир­ле үзеш­чән­нәр баш­кар­ды. Ме­нә бү­ген дә алар­ның кай­бер­лә­ре - Ва­лен­ти­на, Ин­саф, Ил­фат Ис­ла­мов­лар, Ли­низ Ри­зат­ди­нов кай­чан­дыр Рә­ис Нә­гый­мов ба­ян­да уй­на­ган, алар җыр­ла­ган җыр­лар­ны баш­ка­рып, зал­да уты­ру­чы­лар­ның ха­ти­рә­лә­рен яңарт­ты. Алар­ны тың­ла­ган­да сәх­нә­гә ку­лы­на ба­я­нын тот­кан Рә­ис ага ел­ма­еп ки­леп чы­гар сы­ман то­ел­ды.

Та­лант­лы яшь­ләр бул­ган­да ха­лык кү­ңе­ле­нә ке­реп ур­наш­кан җыр­лар үлем­сез. Рә­ис Нә­гый­мов­ның да җыр­ла­рын баш­ка­ра бү­ген­ге бу­ын җыр­чы­лар.

- Без Рә­ис абый­ның җыр­ла­рын те­ләп, яра­тып өй­рә­нә­без, - ди­де му­зы­ка көл­ли­я­те сту­дент­ла­ры Са­ла­ват Шә­фый­ков һәм Нур­шат Ба­тар­шин.

Ки­чә­дә кү­ңел­ле хә­бәр дә ишет­тек. Ярат­кан ком­по­зи­то­ры­быз­ның исе­мен мәң­ге­ләш­те­рү дә­вам итә. Бар го­ме­рен ба­гыш­ла­ган ба­ла­лар му­зы­ка мәк­тә­бе­нә Рә­ис Нә­гый­мов исе­ме би­ре­лү, аның исе­мен­дә­ге фес­ти­валь уз­ды­ру бе­лән ге­нә чик­лә­нел­мә­де. "Тат­нефть" ААҖ­нең "Ру­хи­ят" ру­хи яңа­рыш фон­ды ки­лә­се ел­да Рә­ис Нә­гый­мов­ның җыр­лар җы­ен­ты­гын чы­га­рыр­га әзер­лә­нә икән. Бу хә­бәр­не зал озак­ка су­зыл­ган ал­кыш­лар бе­лән кар­шы ал­ды. Афә­рин!

Реклама

{youtube}LGXNakVD5ok|500|400|0{/youtube}

Ири­на Апа­ча­е­ва

Ав­тор фо­толары

Рим­ма Ну­ри­е­ва, пен­си­о­нер:

- Рә­ис Нә­гый­мов­ны нык хөр­мәт итәм. Якын ит­мә­сәм, Би­гәш­тән бир­ле кил­мәс идем. Мин бит ин­де си­ге­зен­че дис­тә­не вак­ла­дым. Рә­ис кул ас­тын­да си­гез ел җы­еш­ты­ру­чы бу­лып эш­лә­дем. Ис­ки­тәр­лек ях­шы, акыл­лы, са­быр ке­ше иде. Кай­чак­ла­рда һа­ман да аның бе­лән сөй­лә­шеп йө­рим. Җыр­ла­рын тың­лар­га яра­там. Те­ле­ви­зор­дан Рә­ис Нә­гый­мов көе ди­сә­ләр, аның та­вы­шын та­гын да ныг­рак итеп ачып ку­ям. Ара­быз­дан бик ир­тә кит­те шул.

Ал­маз Юны­сов, ба­ян­чы:

- Рә­ис бик тый­нак, бик ке­ше­лек­ле ке­ше иде. Дус­ла­рын дус итә бел­де, дош­ман­нар­га кы­рын ка­ра­ма­ды, алар­ны да дус итәр­гә ты­рыш­ты. Хә­ер, аның бе­лән дус бул­ма­ган ке­ше юк иде дә бу­гай. Һич­шик­сез, та­лант­лы му­зы­кант. Ара­быз­дан кит­кә­не­нә бер ел, һа­ман да мо­ңа ыша­нып бе­теп бул­мый. Өчен­че көн тү­бән­ка­ма­лы­лар спек­так­ле­нә бар­ган идек, кү­ңел­гә рә­хәт бул­ды. Ник ди­гән­дә, спек­такль­нең ба­шын­нан ахы­ры­на ка­дәр Рә­ис Нә­гый­мов­ның "А­выл" җы­ры яң­гы­ра­ды. Га­и­лә ар­хи­вын­да аның бе­лән төш­кән фо­то­лар да, ви­део­яз­ма­лар да бар. Бик еш ка­рый­быз. Рә­ис­тән баш­ка бик моң­су.

Ин­саф Ис­ла­мов:

- Рә­ис Нә­гый­мов­ны без бик юк­сы­на­быз, бик җит­ми ул без­гә. Озак ел­лар бер­гә иҗат ит­тек. Ул бө­тен ком­по­зи­тор­лар­ның да җыр­ла­рын бе­лә иде. Кай­чак­та яңа җыр ише­тә­сең дә, кем­не­ке икән­ле­ген бел­ми­сең. Ә Рә­ис Нә­гый­мо­вич без­гә аны бик тиз та­бып би­рә иде. Аның "Ур­сал тау­да", "А­выл" һәм баш­ка җыр­ла­рын бе­рен­че бу­лып мин баш­кар­дым. Алар тиз ара­да та­рал­ды. Ан­нан соң Зәй­нәп Фәр­хет­ди­но­ва, Са­ла­ват үз ре­пер­ту­а­ры­на керт­те алар­ны. Бү­ген дә ми­ңа Рә­ис ара­быз­дан кит­кән сы­ман тү­гел, һа­ман да бер­гә җыр­лап йөр­гән ке­бек то­е­ла.

Следите за самым важным и интересным в Telegram-канале Татмедиа


Нравится
Поделиться:
Реклама
Комментарии (0)
Осталось символов: