Әлмәтнең мәдәният хезмәткәре Лениногорскидан тәҗрибә уртаклашып кайтты

"Заман шартларында мәдәни-күңел ачу учреждениеләре эшчәнлеге" дип аталган чарада документлар әйләнеше, шулай ук авылларда күңел ачу чараларын халык мәнфәгатьләрен күздә тотып оештыру белән бәйле темалар буенча фикер алыштылар. Сүз уңаенда, Әлмәт районы мәдәният учаклары 2013-2014 елгы клуб сезонына старт бирде. Гадәттә, алар тантаналы шартларда башлана. Кичү авылы клубында халык җырлары, гореф-гадәтләре һәм уеннарга багышланган чара, Салкын Аланда өлкәннәр көненә концерт, Березовкада "Көз патшабикәсе", Югары Мактама мәдәният йортында "Көзге уңыш", Иске Михайловка авылында көз гүзәле бәйгесе белән дәвам итте.