Әлмәт театры оешуына 70 ел тулу уңаеннан юбилей гастрольләрен дәвам итә

Башкалабызны яулап кайткан театр артистлары бу көннәрдә республика районнарында чыгыш ясый. Алар арасында Сарман районы егетләре дә бар. Эдуард Латыйпов, Нәфис Габдрахманов, Раушан Мөхәммәтҗанов бүген инде театрда үз урыннарын тапкан талантлы артистлар. Якташлары эшләгән театрны Сарманда инде көтәләр: 19 февральдә театрыбыз Морбаш авылында "Кызлар килде авылга" музыкаль комедиясен, 25 февральдә исә Сарманның үзендә "Студентлар 3D" комедиясен күрсәтәчәк.