Картиналар галереясының “АРТ-кунакханә”сендә музыкаль кичә узды

Бу юлы аларны бирегә "Бер җыр тарихы. Романс" дигән музыкаль кичә чакырып китерде. Музыка сөючеләр арасында иң дәрәҗәле жанр - романслар. Урта гасырларда ук барлыкка килүенә карамастан, романс белән кызыксыну 19 нчы гасырда аеруча арта. Бүген дә ул "мәртәбәле жанр" абруен югалтмаган. "АРТ-кунакханә"дә 1 нче музыка мәктәбе һәм музыка көллияте студентлары башкаруында рус композиторларының әсәрләре яңгырады. Яңа сезондагы чираттагы кичә исә 12 декабрьгә билгеләнгән. Ул Яңа ел һәм Раштуа бәйрәмнәренә багышланачак.