Мәдәният. Сәнгать
Габдулла Тукай премиясе күләме 500 мең сум булачак
2013 ел йомгакларына багышланган коллегия утырышында мәдәният министры Айрат Сибагатуллин Татарстан Президенты Рөстәм Миңнехановка Тукай премиясе күләмен 500 мең сумга кадәр арттыру тәкъдиме белән чыкты.
Президент әлеге тәкъдимне хуплады.
Моңа кадәр Тукай премиясе күләме 300 мең сум тәшкил итә иде. Ул һәр ел саен иң күренекле, ил һәм милли мәдәниятне үстерүгә күренекле өлеш керткән әдәбият һәм сәнгать әсәрләре, шулай ук сәнгать белеме һәм әдәбият белеме өлкәсендәге күренекле фәнни тикшеренүләр өчен бирелә.
Быел Әлмәт язучылар оешмасы Тукай премиясенә "Мөнирстан" китабы өчен Нур Әхмәдиевне тәкъдим итте.
Следите за самым важным и интересным в Telegram-каналеТатмедиа