Мәдәният. Сәнгать
Габдрахман Мәдәният йортының “Сәрбиназ” халык ансамбле Әстерханнан кайтты [+ ФОТОЛАР]
Әстерхан өлкәсендә "Идел буе халыкларының мәдәни мирасы" дигән этник мәдәниятләр фестивале үтте.
Анда Мордва иле, Марий Эл, Татарстан, Калмык республикаларыннан, Түбән Новгород, Волгоград һәм Саратай өлкәләреннән фольклор ансамбльләр катнашты. Татарстанны бу чарада Габдрахман Мәдәният йортының "Сәрбиназ" халык вокаль ансамбле тәкъдим итте. Коллектив югары башкару осталыгы һәм фестивальдә актив катнашуы өчен Әстерхан өлкәсе мәдәният министрлыгы дипломы белән бүләкләнде.
Быел көз "Сәрбиназ" шул якларда узачак Татар мәдәнияте фестиваленә дә чакыру алды.
Следите за самым важным и интересным в Telegram-каналеТатмедиа