“Бурановские бабушки” “Каравон”да татарча җыр башкарды

- Әлеге җырны 2-3 көндә әзерләдек. Без аны Мәскәүдә башкарган идек инде, ләкин онытылган. Яшь бара бит, аңлыйсыздыр. Ярты ел вакыт узып та киткән, шуңа да җыр сүзләрен кабаттан ятларга туры килде, - ди алар.

Лаеш районының Никольское авылындагы "Каравон" бәйрәме бүген гөрләп узды.

"Бурановские бабушки" гастрольләргә еш йөри. Әмма Татарстанда чыгыш ясауны алар өстенрәк күрә. Шунысы да мәгълүм, Удмуртиянең Бураново авылында Татарстан ярдәме белән храм төзелеп килә. "Каравон"дагы чыгышлары өчен алган гонорарны җырчылар аның төзешенә бирәчәк.

- Хәзер храм безнеке генә түгел, ә сезнеке дә булачак, - диде коллектив.