«Татнефть» һәм «Ачык остаханәләр» Әлмәттә җирле резидентларның беренче күргәзмәсен тәкъдим иттеләр

«Ачык остаханәләр»нең локаль резидентлары югары нефть мәктәбе мәйданчыгында үзләренең финал эшләрен тәкъдим иттеләр. Югары нефть  мәктәбенең төп корпусының зур холлында тантаналы ачылыш булды. Уку йорты ректоры Александр Дьяконов билгеләп үткәнчә, уку йорты остаханә резидентлары күргәзмәсен бик теләп кабул итә, чөнки киләчәк һөнәрләре яңаны булдыру сәләтен таләп итә, ә моның өчен иҗади фикерләү һәм югары культура кирәк һәм монда инженерлар рәссамнар белән якын. Күргәзмәнең концепциясен эшләгән һәм соңгы ике айда резидентлар белән эшләгән Самарадан күргәзмә кураторы Сергей Баландин күргәзмә идеясе шәһәрнең үзе тарафыннан рухландырылган, дип сөйләде. Зур булмаган Әлмәттә шәһәр халкы чараларда еш очраша, бер-берсе турында ишетеп кенә белми.

Күргәзмә кысаларында Сергей сигез резидентка — рәссамнарга, осталарга һәм һөнәрчеләргә — үзләре һәм үз эшләре турында сөйләргә тәкъдим итте. Күргәзмә экспонатлары кампусның өч катында урнашкан һәм алар буенча экскурсияләр корпусның төрле нокталарында уза. Вакыйга 100гә якын тамашачыны җыйды, аларның күбесе лабораторияләрдә һәм остаханәләрнең воркшопларында булды инде.

«Ачык остаханәләр» программасы кураторы Настя Степанова билгеләп үткәнчә, Әлмәттә заманча сәнгатьне яратучылар бергәлеген формалаштыру — проектның өстенлекле максатларының берсе. Заманча сәнгать остаханәләренең ярты еллык программасын узган һәм соңгы ике айда финал проектлары өстендә тыгыз эшләүче сигез резидент тамашачылар белән үзара хезмәттәшлек итте. Резидентлар өчен төп медиумнар алар практикада эшли торган материаллар булды. Әйтик, столяр Даниил Сигачев җавапсыз мәхәббәтнең вакыт һәм музыка белән дәвалануын искә төшереп, зур агач проигрыватель булдырган. Скульптор Нинель Миңнәхмәтова үзенең тарихын балчыктан ясалган. Еланлы агач турындагы скульптура  кеше яшәешенең чыганакларын гәүдәләндерә. Рәссам Женек үзенең төшен видеоинсталляциядә гәүдәләндерә, ә Сергей Лепяцкий каллиграфия белән суыткыч ясый. Рәссамнарның эшләре белән «Алтын алмалар турында әкиятләр» паблик-арт программасының экскурсияләрендә һәм медиацияләрендә танышырга мөмкин булачак.

Фото: Әлмәт районы башлыгы матбугат хезмәте