Әлмәттә «Зур музыка-кече шәһәрләрдә» проекты чаралары уза
Проектның бурычы-Россия һәм дөнья мәдәниятенең аерылгысыз өлеше буларак, классик музыкага карата халыкның кызыксынуын торгызу.
18 ноябрьдә Әлмәттә «Зур музыка-кече шәһәрләргә» дигән проект чаралары узачак, дип хәбәр итә ТР Мәдәният министрлыгының матбугат хезмәте.
18 ноябрьдә Ф.З. Яруллин исемендәге Әлмәт музыка көллиятендә Мәскәү осталары мастер-класслар һәм концерт үткәрә.
Ноябрь ахырында Әлмәт музыка көллиятенә шулай ук Н.Г. Җиһанов исемендәге Казан дәүләт консерваториясе студентлары һәм укытучылары киләчәк.
"Зур музыка-кече шәһәрләрдә" проекты кече шәһәрләрдә музыкаль тормышны активлаштыруга, килеп туган шартларда музыкаль традицияләрне саклауга һәм формалаштыруга ярдәм итә.
Следите за самым важным и интересным в Telegram-каналеТатмедиа
