Әлмәттә Кырым һәм Россиянең кушылу көненә багышланган концерт оештырылды

18 март-Кырым һәм Россиянең кушылу көне. «Ветеран» үзәгендә бәйрәм концерты узды.

Ул «Игелек бүләк ит» фонды белән берлектә оештырылды. Концерт сәхнәдә генә түгел, залда да булды. Тамашачыларга мөмкинлекләре чикле балаларның эшләрен тәкъдим иттеләр. Бу - «Дөнья балалар күзлегеннән» дип исемләнгән рәсемнәр күргәзмәсе. Шулай ук «Ветеран» үзәгенә йөрүчеләрнең эшләрен дә күрсәттеләр.

«Илебез мөһим вакыйганы – Кырымның Россия белән кушылуына 8 ел тулуны билгеләп үтә. Бәйрәм уңаеннан «Ветеран» үзәгендә яшь артистлар һәм Әлмәтнең танылган артистлары концерты оештырылды», – дип сөйләде «Игелек бүләк ит» фонды директоры Гөлнара Әюпова.