Әлмәттә Р. Төхвәтуллин исемендәге премия лауреатларын бүләкләделәр

Әлмәт муниципаль районы Советы Аппараты җитәкчесе Роза Әфләтунова дипломнар һәм акчалата премияләр тапшырды.

Премия «Әдәбият» номинациясендә - балалар язучысы, «Яшь техниклар станциясе»ндә өстәмә белем бирүче педагог  Фәрхетдинова Резеда Нәсыйх кызы һәм шагыйрә, «Белое перо Белая ворона» ЛИТО филиалы җитәкчесе Аничкина Екатерина Анатольевнага тапшырылды.

«Журналистика» номинациясендә - журналистика ветераны Вакатова Анастасия Михайловна;

«Сәнгать» номинациясендә - район мәдәният йортының техник бүлеге мөдире, «Заман» вокал төркеме җитәкчесе Сәйфиев Айнур Фаяз улына һәм Әлмәт татар дәүләт драма театры актеры Таһиров Рәфыйк Рөстәм улына;

«Иҗтимагый һәм мәгърифәтчелек эшчәнлеге» номинациясендә - Әлмәт картиналар галереясе директоры Минабетдинова Розалия Равил кызына тапшырылды.

Котлыйбыз!