Мәдәният. Сәнгать
Әлмәттә гаиләләр өчен квест уздырылды
"Әти, әни, мин-спорт сөюче гаилә" гаилә квесты 4 июль көнне шәһәр паркында күңел ачу программасы кысаларында узды.
Конкурста әлмәтлеләр дә, Бөгелмә һәм Казан шәһәреннән килгән кунаклар да катнашты. Квестны узарга барлыгы 5 команда чакырылды.
Беренче урынны Әлмәтнең «Ракета» яшүсмерләр клубын тәкъдим иткән команда яулады: Айгөл, Диана һәм Лиана Сәйфуллиннар.
«Безне педагоглар чакырды. Бик күңелле булды, бүләкләр дә иң яхшылары! Миңа ошады!» - ди Диана, команданың иң яшь катнашучысы.
Республика башкаласыннан килгән кунаклар дүртенче урынны алды.
Чара бөтен катнашучыларга да ошаган.
Следите за самым важным и интересным в Telegram-каналеТатмедиа