Мәдәният. Сәнгать
Караңгы залда акапелла җырлап, I дәрәҗә лауреат булды
Әлмәт татар дәүләт драма театры артисты Илназ Гыймалетдинов Винера Ганиеваның VII Халыкара «Сандугач-Соловей» бәйгесендә «Язмышымда язлар булып кал» җыры белән 1 нче урын яулады.
Илназ жюри белән тамашачыларны тавышы белән дә, кыюлыгы белән дә әсир иткән.
⠀
Аның чыгышы барышында залда ут сүнә. Егет тукталып калмый, утсыз, микрофонсыз, дөм караңгыда җырын башкарып чыга. Зал тын да алмый тыңлый. Җыр бетү белән залны яңгыратып, Венера Ганиева: "Молодец!" - кычкыра.
Моннан тыш, Илназ яшь башкаручыларны "Татар моңы" Халыкара бәйгесенең беренче турында уңышлы чыгыш ясап, икенче турга да узган.
Следите за самым важным и интересным в Telegram-каналеТатмедиа