Әлмәт таңнары

Азат Фазлыев 50 сум акчага нәрсә алган?

Республикабызда Сабантуйлар гөрли. Җырчыларның да урак өсте, алар анда чыгыш ясыйлар.

Җырчы Азат Фазлыев сабантуй турында балачак истәлекләре белән инстаграмында бүлеште.

«Безнең өчен Сабантуй хәзер эш көне, ә элек зур бер бәйрәм кебек көтеп ала идек. Алдан акча җыеп, киемнәрне әзерләп... Бер елны бәйрәмгә 50 сум акчам бар иде. Хәтерлисездер, элек Сабантуйгы кибетләр ‒ ул грузовой машинаның арбасы иде, шуннан гына саталар иде. Мороженое ел да булмый иде. Ә бөтен бала шуны көтә иде. Ул елларда морозильниклар булмаган, күрәсең. Коробкасыннан гына, эреп беткәнче, сата иделәр. Әни ул елны жюри составында иде, трибунада утыра, ә мин киттем кибетләргә. Мороженое килгән иде, 1 сумнан саталар. Ур-р-ра!!! Һәм мин сөенечемнән 48 туңдырма ашаган идем. Күз алдына китерә аласызмы?! Салкын, җилле көндә бит әле ул! Бик өшегәнмен. Мине бер апа әнигә күтәреп алып килгән: «Бу бала мороженое ашый да ашый, туңып беткән», ‒ дигән. Шул килеш, 48 генә туңдырма ашый алганмын. Югыйсә, калган 2 сумга тиясе 2се дә сыйган булыр иде. Шуннан бирле туңдырмага исем китми. Сабантуйлар белән сезне, дуслар!» дип яза җырчы.

Автор: Г.Шәрәпова


 

Фото:скриншот Инстаграм

http://www.sahne.ru

Нравится
Поделиться:
Реклама
Комментарии (0)
Осталось символов: