Әлмәтнең 1 нче музыка мәктәбен сөендерделәр [+ФОТОЛАР]

Әлеге уку йортына да, ниһаять, капиталь ремонтка өлеш чыгарылган. Подряд оешмасы эшләрне башлап җибәргән. Ремонтны яңа уку елына кадәр тәмамлау бурычы куелган. Ун ел элек нефтьчеләр тәрәзә һәм түбәне ремонтлаган булган. Бина үзе 1985 елда куллануга тапшырылган. Шуннан бирле капиталь ремонт күрмәгән. Бүген биредә 630 бала музыка серләренә, уен коралларында уйнарга өйрәнә.